宏福苑五級火丨棚網達阻燃要求 田北辰:有睇過片都會好詫異

保安局局長鄧炳強昨日表示，初步化驗大埔宏福苑大廈棚網達阻燃要求。實政圓桌立法會議員田北辰在社交平台帖文指，他相信有睇過片段都會覺得好詫異，並冀望政府可以解釋化驗方法。

田北辰表示，「達到標準都燒得咁猛咁快？咁究竟係唔係個標準有問題呢？呢個標準係唔係達到國家同國際要求，如果係，即係呢個標準都唔夠高，係唔係要用個更高標準呢？」「另外，我覺得要同公眾解釋點化驗，如果係化驗燒剩嘅網，會唔會燒完再驗所以結果有偏差呢？現場有一座冇受波及，可唔可以即場剪落嚟燒吓，俾大家知呢個標準遇火會點呢？」

他又說，所有臨時性工程，屋宇署不會審批，只會設定標準，日後屋宇署可親自審批及抽查工程是否安全，以及立法規管安全網物料，違例嚴懲。

對於勞工處指有檢查證書，田北辰說，是次燒得很快，「一係就嗰啲證書造假， 一係就交貨係假，所以屋宇署，定要落水去查。」